En Laza, tanto na capital do concello como nos demais pobos, celébranse ó longo do ano unha abundante cantidade de festas populares que ofrecen un gran interese. Moitas das súas cerimonias son de carácter arcaico e pertencen a un ciclo antigo de ritos agrarios de verdadeira importancia etnográfica. Se cadra a máis importante de tódalas festas, ou mellor dito, a que é agardada con máis ledicia e ilusión polos veciños da bisbarra, é o Entroido.
