Me parece que reconoces mejor los pueblos en el atlas que cuando los visitas en persona. - Dice a Marco el emperador, cerrando el libro de golpe.
Y Polo: - Viajando uno se da cuenta de que las diferencias se pierden: cada pueblo se va pareciendo a todos los pueblos, los lugares intercambian forma, orden, distancias, un polvillo uniforme invade todos los continentes. Tu atlas guarda intactas las diferencias: ese surtido de cualidades que son como las letras del nombre.
Las ciudades invisibles. Italo Calvino.

A Todos.

Agora é o momento de centrar o foco da nosa atención no argumento "do concello global".

Pretendo, nesta nova etapa, dar continuidade e enriquecer no posible e tras unha análise pormenorizada, a peculiaridade Lazana, que se implanta sen solución de continuidade na realidade na que se atopa inmersa, cunha interrelación que nin se pode nin se quere evitar e que é sumamente enriquecedora. Soamente pretendo que cada idea que plantee, naza da especialidade do seu coñecemento e esto sexa unha proposta de cambio que resulte suxestiva, e estimo, efectiva.

E faise coa convicción de que o enorme traballo diario deixará sempre un oco que permita analizar cos mellores a problemática existente, dándolle ós pobos como entes municipais o protagonismo que merecen como principais xestores das medidas e instrumentos que dende a administración local pomos ó seu servizo.

Non cabe duvida algunha de que os pobos foron un gran invento, cada un coa súa propia personalidade, capaces de encontrar o seu lugar na acertada complementariedade cos seus veciños.

Palabras como sosteñibilidade, durabilidade, cohesión, redes de comunicación de todo tipo - tanto físicas como de fibra óptica - , austeridade, integración, estratexias, valor e control patrimonial e de recursos naturais, equidade, rehabilitación e calidade, deben ter un protagonismo especial neste novo período que se abre de cara a poder reinventar a orde cotiá do noso concello, planificando ex novo, cosendo, dotando de servizos concibidos para quen os use, ou intervindo de maneira tranquila - pero sempre con valentía - sobre os tecidos herdados evitando así complexas experiencias que poñan en perigo as garantías xurídicas e a estabilidade económica de todo o intrincado proceso de
ordenación do concello para todos os que interveñen nel e en especial ós consumidores e usuarios finais, no marco dunha comunicación activa.

Todo o anterior debese combinar dentro do mosaico da problemática existente actualmente en Laza, xa sexa a escala macro, mezzo ou micro; a nivel de concello ou de pobo; na aldea máis pequena e compacta ou na diversidade da capitalidade municipal, no urbano ou no territorio máis diverso e difuso existente, a nivel municipal, rexional ou nacional, debemos apoiarmos en instrumentos do máis alto nivel para obter así unha maior planificación, que sexa creíble, xestionable, transparente, e de doada e rápida execución, co obxeto de lograr un mellor e sostible progreso, un desenvolvemento equilibrado, cun menor consumo dos importantes recursos naturais finitos dos que dispomos e que temos obrigación de legar nunha mellor condición, como unha realidade palpable.

Somos nós, agora os que escribimos o futuro, o novo sistema de valores.

E queremos facelo sen presa, pero sen pausa, aínda que coa firmeza e a autoridade que dá a convicción de estar facendo as cousas ben.

A todos, colaboradores, familiares, amigos, veciños, especialmente ós que nos visitades, darvos a benvida, incitarmos a participar, aínda que soamente sexa na vida cotiá, soñade comigo e veredes que Laza e a súa xente. Son do máis parecido á terra prometida na que ninguén se pode sentir extraño.

Díxoo o poeta: ir rápido y llegar solo no vale. Importa ir con muchos y llegar a tiempo.

Benvidos todos.

MONCHO. Alcalde electo de Laza.